КаленДАРь - праздник на каждый день

вторник, 16 мая 2017 г.

Аб Міжнародным Дні роднай мовы вялі размову з вучнямі 7-х класаў СШ № 14, якія завіталі ў госці ў бібліятэку мікрараёна “Дружба” на гадзіну роднай мовы “Ад слова вырастаюць крылы”. Дзеці даведаліся пра гісторыю даволі маладога свята, якое адзначаюць па ініцыятыве ЮНЭСКА ўсяго толькі сямнаццаты год, і яно становіцца ўсё больш папулярным у свеце. Іх пазнаёмілі з гісторыяй нараджэння беларускай мовы, з людзьмі, якія стаялі ў вытокаў беларускага пісьменства, першаасветніцай Еўфрасінняй Полацкай і першадрукаром Францыскам Скарынам. У час мерапрыемства гучалі выказванні і вершы пра любоў да беларускай мовы пісьменнікаў і паэтаў: У.Караткевіча, Я.Коласа, Ф.Багушэвіча, А.Грачаннікава і іншых. З дапамогай конкурсаў высвятлялі, як падлеткі ведаюць родную мову. У заданні "Мудрае слова народнае" – адгадвалі загадкі-жарты, "Слоўнікі ўсе важныя, слоўнікі ўсе патрэбныя" – разважалі, пра які слоўнік ідзе гаворка, "Паспрабуй перакладзі" перакладалі словы з рускай на беларускую мову і наадварот. Прайшлі выпрабаванне ў конкурсе-гульне "Беларускі ланцужок", у якім кожны паасобку называў слова, што пачынаецца з літары, з якой заканчваецца папярэдняе. Прынялі ўдзел ў інтэрактыўнай гульне “Моўны гарлачык”: з беларускіх слоў у выглядзе рознакаляровых лісцеў саставілі моўны букет. Па тэме мерапрыемства была арганізавана кніжная выстава “Слова роднае, гаваркое”, прадстаўлены часопісы і шматлікія выданні пра багацце і прыгажосць беларускага слова. Дэманстраваліся першы анімацыйны фільм “Будзьма беларусамі”, відэафільм “Беларусь звыш за чаканне” аб багатай гістарычнай і культурнай спадчыне краіны. Прысутныя ўпэўніліся, што народу не існуе без мовы, яна – яго крылы. Таму сёння гонар і абавязак усіх нас — шанаваць роднае слова, бо ў ім – наша годнасць.

Какой СЕГОДНЯ день?

Праздники Беларуси

Постоянные читатели

Анонс мероприятий


03.07 Литературная гостиная "Мая зямля, мая краіна, мая Радзіма!"

12.07 Обзор новых поступлений "Новости печатного двора"

18.07 Литературная скамейка "Сколько света! Что же это? Это - ЛЕТО!"

24.07 Интерактивная викторина "Живые страницы книг В.Сутеева"









Расширяем КРУГОЗОР

Популярные сообщения